Atu kan phanh laimi zarhte ni (06/28/2014) ah Amarillo Chin Students Association sianginn kaimi pawl nih motor tawlnak kan tuah lai. Dawr i va ttawl lennak in tuzarh cu ACSA motor tawlnak ah rak tawl cio dingah kan in sawm dih hna. Dawr ahcun Basic ah $ 6 in nan tawl i kan nih cu Basic ah $5 a si lai, cupi ah siangtawk $ 5 in a cunglei paoh kha chiah khawh a si ti zong theihternak tuah kan duh. Zeidah mah titi cun tangka cu nan kawl tiah nan ti lai, kan kawl a si lo kan herh caah kan hmuh khawhnak ding kan i timhlamh a si. Zeidah nan tuahnak lai tiah biahalnak nan ngei lai, zeihmanh kan tuahnak lai lo kan naule vawlei fim cawnnak lei ah kan thancho khawhnak ding caah saduhthah mi tampi kan ngeih caah a si. Zei bantuk saduhthahnak dah nan ngeih tiah nan ti lai, kan nau le miphun dang sinah kan chuah langh khawhnak dingah le kan thiammi kip miphun dang nih an kan theih/hngalh khawhnak dingah a lamkip in riantuan kan i timh.
Cucaah tutan ACSA motor tawlnak ah thiang taktak in kan in tawl piak lai rak ra hrimhrim te! Tlolh sual lai ci! Aize, khuaika dah a tawlnak hmun a si ti tial ka philh deng ko lo maw? A tlawnnak cu a tanglei bantuk in a si lai;
A hmun: Pu Kio Ling le Pi Ngun Hniang (Abor nulepa)
A caan: 10:00am-3:00pm
Cost: $ 5 in a cunglei paoh siantawk pek khawh a si
Nan fa le Laica cawnter a duhmi nan um sual ahcun acsa.tx@gmail.com siloah acsadevelopment@gmail.com ah email in min pawl kuat khawh a si. Cun phone in siseh nan ti a si le 806 410 8526 siloah 806 626 4953 ah chawnhkhawh a si.
A tamtuk cang keimah zong nih a rel ka zuam hnik ti lo mah vial sirih seh!
