Chin mi tampi USA kan phanh tikah fale caah kan phan a titu nulepa sinah biahal kan duhmi hna cu, "Fa le caah USA hi nan phan taktak maw?" Kan nulepa nih fale caah pei USA cu kan phanh ko cu fale caah kan nun lo le kan retheih lo ah aho caah kan ttuan kun lai tiah a timi tampi keimah hna theih zong an tlawm hrimhrim ti lo. Cubantuk kan nulepa pawl cu nan lih lawng te a si tining law nan thinhung men lai, a hun awk zong a si ko. Bia dawh le sittal ah nan chimmi lawng te a si. A cheukhat nulepa cu Fale nan upat hrimhrim hna lo ti hi nan nunnak le nan biachim hrimhrim in kan theih ko. Cucaah minung si i i pheh cu biapi a si lo caah Bawipa hmaitu lihchim le i pheh kha ttih a nung deuh.
Cucaah Amarillo Chin Students Association nan unau hna nih biaca'h kan in duh ve mi hna a um. Cucu zeidah thil lianngan pi le biapi zong i nan rak ruah lomi te kha a si. Cucu zeidah a si ti ahcun, "Nan fale ca'h i USA nan phak taktak ko ahcun anmah he tam deuh um tti kha rak kan duh piak u, cun biadawh, biattha, nun dawh, le zohchunh awk tlak si rak kan zuam piak u," ti kan in nawl hna. Cun fale chimh cawnpiaknak caah le sianginn an cawnmi ca a bawmchan kho tu ah hika ah tampi zoh awk le print awk kan in chiah piak hna. Kan blog ah caan sau deuh na tlonlen ahcun a tthatnak tampi na hmuh chinchin ko lai. Cucaah zei tik hmanh pal tak te kha rak kan philh hlah ti zong kan in sawh duh chih fawn.
