Amarillo ah Laica Cawnnak (Summer Class)

On ni (Opening day):                              June 30, 2014
Caan (Time) :                                         12:00pm- 3:00pm
Cawnnak donghnak ni (Ending Class): August 15, 2014

Kum fatin te rak tuah tawnmi Laica Cawnnak cu Amarillo Chin Christian Church hruainak in tuah a si tthan cang lai.  June 30, 2014 in Laica cawnnak cu thawk a si lai.  Chun suimilam 12pm in cawnnak khan (class) cu kan thawk lai i zanlei suimilam 3pm siloah 4pm tiang cawnnak ngeih a si lai.  Laica cawnnak kong he pehtlai in cawnnak a kan tuahpiaktu ACCC cungah tampi lunglawmhnak kan ngei.

Nulepa hna zong nih Laica, Laiholh, le Nunphung kan fale cio nih an philh lonak dingah atu ACCC nih a kan tuahpiakmi Laica Cawnnak ah nan fale cio kaiter khawh zuam hna usih.  Cun Tukum Laica cawn cu kum dang tawn bantuk a si lai lo tiah ruahnak kan ngei.  A ruang cu kumkhat hnu kumkhat fimnak a tthangchin lengmang i an cachimh ning tete zong aa dang deuh ngai men lai tiah ka ruah.

Cachim ding zongah ACCC nih minung an fial cang hna ti thawng zong kan theih.  ACCC nih a tuah dingmi LAICA CAWNNAK ah ACSA nih tuanvo lak ding in timh tuahnak kan ngei.  Innca (Homework) te hna zong Online in hmanh an i timh tiah thawngtheih a si.  Online in Reading Homework hna zong pek a si lai tiah theih a si.  Cun Ttial Cawnnak le a dangdang hna zong online in tuahnak a um lai tiah theih a si.  Amarillo Chin Students Association hruaitu kan nau le pawl zong atu hi timh tuahnak tha an ngaih cuahmah lio a si.  Online in Laica Carel (Reading) pawl zohnak le relnak cu Online Laica Cawnnak ah zoh khawh a si.

Ca chimtu ding le a bawmtu hna ding;

• Leng San San Aye
• Leng Hniang Tial Sung
• Leng Cing Sian Nem
• Leng Za Tin Par
• Val Lal Tawng
• Val Rung Lian Ceu
• Val Ngun Cung Lian
• Salai Tuan Tin Thang

Theihternak;

                    - Cauk 3 (3 Notebooks)

                    - Khedan (Pencil)

                    - Khephiat (Eraser)

                    - Online or Paper Homework ngeihpeng ding

                    - Cathiammi Color Stickers 

                    - Nifatin te'n fel tein Sianginn kai le kai lo min cazin laknak a um lai

                       Note:  Sianginn kai tikah fel tein sianginn kaimi laksawng a um lai.

                    - Sianginn ni 2 siloah ni 3 chung an bau ahcun kainak nawl an ngei ti lai lo.
                    - Zanlei sang in sianginn kai a si lai caah chun hlan ah nulepa hna nih nan fale kha tha tein                                  thaithawh nan rak eiter hna lai.
                    - Ahohmanh ti kholh lo le hmaiphiah loin sianginn ah rak kai lo ding

Signup Tuahnak;

Signup tuahnak ah a herhmi pawl zong a tanglei ah kan rak in ttialpiak hna.  Hihi tha tein nulepa nih a herhmi tha tein nan rak zulh lai.  Hihi tha tein pek a si lo ahcun kan fale sianginn kainak ah a chanbaumi a tam tuk lai caah pek hrimhrim ding a si lai.  Hihi kong he pehtlai in thawngthanh siloah biahal a duhmi nan um ahcun acsa.tx@gmail.com ah ca kuat khawh a si.  Cun phone zong in thawngthanh khawh a si.  Thawngthanhnak cu Salai Tuan Tin Thang sinah thawng nan rak thanh lai.

Ngakchia Min:
Ngakchin kum: Jan. 01, 2000  (tahchuhnak)
Nulepa Min:
Nulepa Email:
Nulepa Phone Number:


Note; Lam a kan hruaitu le kan Miphun Thluachuahnak a petu kan Pathian a min thiang thangthat si ko seh!  Ram dang kan phak zongah kan holh le kan ca cawn khawhnak a kan pek hi a kan dawttuk a si.                                                                                                                                                            

Laica kan ca, Laiholh kan holh, Lai nunphung kan nunphung

Amarillo Chin Students Association